Унікальная прыродная спадчына: заказнік "Ельня". ІНФАГРАФІКА

Рэспубліканскі ландшафтны заказнік "Ельня" размешчаны ў Віцебскай вобласці на тэрыторыі Мёрскага і Шаркаўшчынскага раёнаў.

Ландшафт

"Ельня" - найбуйнейшы ў Беларусі азёрна-балотны комплекс узростам каля 9 тыс. гадоў.

Агульная плошча - 25,3 тыс. га. Максімальная працягласць з поўначы на поўдзень - 20,5 км, з захаду на ўсход - 16,6 км.

Уключае 118 азёр, але балота займае 65% тэрыторыі.

Мае форму выпуклай лінзы: цэнтральная частка балота ўзвышаецца над навакольным сухадолам на 5-7 м. Агульная магутнасць тарфянога пласта дасягае 8,3 м, сярэдняя - 3,8 м.

Цікавыя факты аб "Ельні":

- знаходзіцца ў спісе самых чыстых месцаў на планеце;

- з'яўляецца "лёгкімі Еўропы": 1 га вярховага балота выдзяляе ў 10 разоў больш кіслароду, чым 1 га лесу;

- на тэрыторыі комплексу пражывае больш за 20 відаў чырванакніжных птушак, у час міграцыі цераз заказнік пралятаюць больш як 30 тыс. шэрых жураўлёў;

- з балота выцякаюць тры ракі, але ніводная ў яго не ўпадае;

- у заказніку растуць расліны, характэрныя для тундры: карлікавая бяроза, марошка і інш.;

- комплекс змяшчае самыя вялікія сярод усіх балот Беларусі запасы журавін.

Заказнік мае некалькі міжнародных прыродаахоўных статусаў.

Крыніца: з адкрытых крыніц.

Адрас інфаграфікі: https://blr.belta.by/infographica/view/unikalnaja-pryrodnaja-spadchyna-zakaznik-elnja-19747/