Парк электрамабіляў у Беларусі да 2026 года можа вырасці да 48 тыс.

5 жніўня, Мінск /Кар. БЕЛТА/. Колькі ў Беларусі налічваецца электракараў і якая дынаміка развіцця рынку, расказаў у інтэрв'ю БЕЛТА намеснік генеральнага дырэктара па будаўніцтве і агульных пытаннях РУП "Вытворчае аб'яднанне "Беларуснафта" Андрэй Коцік.

"Развіццё электратранспарту ў Беларусі пасля прыняцця ўказа Прэзідэнта нумар 92 дэманструе якасна новы этап транспартнай мадэрнізацыі. Па стане на 1 ліпеня 2025 года, у рэспубліцы зарэгістравана 33 930 электрамабіляў", - адзначыў Андрэй Коцік.

Характэрна, амаль 42 працэнты (14 188 электрамабіляў) усяго дзеючага парку электракараў зарэгістраваны толькі за апошні год. За пяцігадовы перыяд дзеяння ўказа ў рэспубліцы перайшлі ад эксперыментальнай стадыі да масавага ўкаранення экалагічнага транспарту. Асабліва паказальны рост карпаратыўнага сегмента: прадпрыемствы актыўна выкарыстоўваюць прадастаўленыя падатковыя прэферэнцыі, што садзейнічае не толькі абнаўленню аўтапаркаў, але і фарміраванню новай культуры транспартнай экалогіі.

Паводле слоў Андрэя Коціка, калі ў 2021 годзе ў рэспубліцы налічвалася каля 1 тыс. электрамабіляў, то да 2026 года, паводле прагнозаў, іх будзе ўжо 48 тыс. "Такі вынік стаў магчымым дзякуючы эканамічнай эфектыўнасці электрамабіляў, якія ўжо канкурыруюць па кошце з традыцыйнымі аўто, а таксама сістэмным мерам: развіццю зараднай інфраструктуры, ільготнаму падаткаабкладанню, нулявым мытным пошлінам і інвестыцыйным вылікам для бізнесу. Захаванне гэтых тэндэнцый дасць магчымасць да 2030 года зрабіць кожнае дзясятае аўто ў краіне электрычным", - сказаў Андрэй Коцік.

Амбіцыйная задача - да 2030 года павялічыць колькасць электрамабіляў у Беларусі да 300 тыс.-0-