Агляд-конкурс на лепшае добраўпарадкаванне вадаёмаў стартаваў у Беларусі

1 мая, Мінск /Кар. БЕЛТА/. Штогадовы Рэспубліканскі агляд-конкурс на лепшае добраўпарадкаванне паверхневага воднага аб'екта стартаваў у Беларусі, паведамілі БЕЛТА ў прэс-службе Міністэрства прыродных рэсурсаў і аховы навакольнага асяроддзя.

Агляд-конкурс праводзіцца па 30 чэрвеня. Спецыялісты ацэняць утрыманне прыбярэжных тэрыторый, акваторый вадаёмаў і рэк, выкананне рэжыму гаспадарчай і іншай дзейнасці ў межах водаахоўных зон. Акрамя арганізацыі работ па навядзенні парадку на зямлі адна з задач праводзімых мерапрыемстваў - фарміраванне экалагічнай культуры.

У Мінпрыроды нагадалі, што ў канцы красавіка ў рэспубліцы праводзілася маштабная экалагічная акцыя "Беларусь сінявокая", прызначаная захаваць прыродную спадчыну краіны - маляўнічыя азёры і рэкі. Яна арганізавана сумесна з Дзяржаўнай інспекцыяй аховы жывёльнага і расліннага свету, мясцовымі выканаўчымі і распарадчымі органамі, а таксама грамадскімі аб'яднаннямі.

Былі добраўпарадкаваны тэрыторыі, якія прылягаюць да сацыяльна значных водных аб'ектаў. Падтрымаць акцыю мог кожны. Для гэтага было дастаткова звярнуцца ў мясцовы выканаўчы камітэт. Геаграфія ахапіла сотні кропак па ўсёй краіне, уключаючы Браслаўскія азёры, берагі Нёмана, Прыпяці і іншых вадаёмаў.-0-