Унікальнасць: Заказнік уяўляе сабой буйное нізіннае пойменнае балота ў міжрэччы Прыпяці, Прастыра і Стыры. Асаблівую маляўнічасць балотным ландшафтам заказніка надаюць бяскрайнія зараснікі асакі і трыснягу. У месцы ўпадзення ракі Прастыр у Прыпяць трыснёг дасягае вышыні 3 м. Нязначная аддаленасць заказніка ад Пінска, які мае развітую інфраструктуру.
Мае статус водна-балотнага ўгоддзя міжнароднага значэння (Рамсарскай тэрыторыі) і тэрыторыі міжнароднага значэння, важнай для птушак. Усяго тут адзначана каля 130 відаў птушак, 92 з якіх гняздзяцца. Тэрыторыя мае важнае значэнне для захавання папуляцый такіх відаў, як вяртлявая чаротаўка, драч, дубальт, малы арлец, чапля-бугай, пугач, малы пагоніч. Тут знаходзяцца дзве калоніі вялікай белай чаплі з агульнай колькасцю каля 30 пар.
Паслугі ў галіне экатурызму: Пракат веласіпедаў, катараў, лодак, лодачных матораў, арэнда дома-альтанкі з зонай барбекю і фотазонай, экскурсіі па экалагічных сцежках, веласіпедныя і водныя экскурсіі, наведванне эколага-турыстычнага комплексу «Цішыня».
Экалагічныя маршруты: Экалагічная сцежка «Возера Блуднае» (1 км), экалагічная сцежка «Дзіўнае побач» (1 км), веласіпедныя маршруты «Па слядах Халакосту на Піншчыне» (3 г, 14 км) і «Дарогамі экспедыцыі Луізы Бойд» (5 г, 25 км), водны турыстычны маршрут «Далінай ракі Багоў» (1 дзень, 50 км), камбінаваны маршрут «Пінск – возера Блуднае» (2 г, 26 км).