Рэспубліканскі суботнік пройдзе ў Беларусі 20 красавіка

15 красавіка, Мінск /Кар. БЕЛТА/. Рэспубліканскі суботнік пройдзе ў Беларусі 20 красавіка. Адпаведную пастанову падпісаў прэм'ер-міністр Раман Галоўчанка, паведамілі БЕЛТА ў прэс-службе ўрада.

Грашовыя сродкі, заробленыя ў дзень правядзення суботніка, у тым ліку на рабочых месцах, пойдуць: 35 працэнтаў - Гомельскаму аблвыканкаму на рэканструкцыю мемарыяльнага комплексу "Дзецям - ахвярам вайны" ў н.п. Чырвоны Бераг Жлобінскага раёна, 35 працэнтаў - Брэсцкаму аблвыканкаму на стварэнне рэспубліканскага цэнтра патрыятычнага выхавання моладзі на базе Кобрынскага ўмацавання Брэсцкай крэпасці, 30 працэнтаў - на рэканструкцыю і аднаўленне мемарыяльных комплексаў, месцаў баявой і воінскай славы, размешчаных у абласцях і Мінску.-0-

Вы можаце знайсці гэту старонку па наступным адрасе:
https://www.minpriroda.gov.by/by/news-by/view/respublikanski-subotnik-projdze-u-belarusi-20-krasavika-5667/