Мінпрыроды распрацавала дадатак з віктарынай аб стойкіх арганічных забруджвальніках

Навіны 28.12.2022 | 14:11

28 снежня, Мінск /Кар. БЕЛТА/. У мэтах павышэння інфармаванасці насельніцтва аб праблемах у галіне стойкіх арганічных забруджвальнікаў (САЗ) распрацаваны мабільны дадатак "САЗ-віктарына", паведамілі БЕЛТА ў прэс-службе Міністэрства прыродных рэсурсаў і аховы навакольнага асяроддзя.

"У дадатку ў гульнявой форме можна даведацца падрабязней аб САЗ. Матэрыял разбіты на кароткія тэмы, пасля кожнай з якіх ідзе невялікі тэкст для замацавання новых ведаў. Дадатак разлічаны на дарослых і дзяцей старэйшых за 12 гадоў", - расказалі ў Мінпрыроды.

Як растлумачылі ў Мінпрыроды, названы лічбавы прадукт створаны ў ходзе мерапрыемстваў праекта міжнароднай тэхнічнай дапамогі "Устойлівае кіраванне стойкімі арганічнымі забруджвальнікамі і хімічнымі рэчывамі ў Беларусі, ГЭФ-6", што рэалізуецца Міністэрствам прыродных рэсурсаў і аховы навакольнага асяроддзя. Мэта праекта - забеспячэнне аховы здароўя насельніцтва і навакольнага асяроддзя праз ліквідацыю існуючых запасаў САЗ і развіццё патэнцыялу ў галіне ўстойлівага кіравання САЗ.

Дадатак "САЗ-віктарына" даступны ў Google Play і ў App Store.-0-

БЕЛТА - Навiны Беларусi

Вы можаце знайсці гэту старонку па наступным адрасе:
https://www.minpriroda.gov.by/by/news-by/view/minpryrody-raspratsavala-dadatak-z-viktarynaj-ab-stojkix-arganichnyx-zabrudzhvalnikax-4604/