Версія для друку
Памер шрыфту
+
фота
Друк

Больш за 40 дзяржстандартаў для экалагічна бяспечных упаковак распрацавалі ў 2022 годзе ў Беларусі

Навіны 10.02.2023 | 15:11

10 лютага, Мінск /Кар. БЕЛТА/. У Беларусі ў 2022 годзе распрацавалі 41 дзяржаўны стандарт для экалагічна бяспечных упаковак. Аб гэтым на прэс-канферэнцыі "Зніжэнне выкарыстання ў Беларусі палімернай упакоўкі і паэтапны пераход на экалагічныя аналагі" расказала начальнік галоўнага ўпраўлення рэгулявання абыходжання з адходамі, біялагічнай і ландшафтнай разнастайнасці Міністэрства прыродных рэсурсаў і аховы навакольнага асяроддзя Вольга Сазонава, перадае карэспандэнт БЕЛТА.


"Забруджванне пластыкам навакольнага асяроддзя - адна з самых абмяркоўваемых і актуальных экалагічных праблем ва ўсім свеце. Беларусь не застаецца ўбаку ад сусветных тэндэнцый у гэтым напрамку і таксама рэалізуе шэраг практычных мер, накіраваных на зніжэнне выкарыстання пластыкавай упакоўкі. Пачынаючы з 2020 года рэалізуецца план мерапрыемстваў, накіраваных на паэтапнае зніжэнне выкарыстання палімернай упакоўкі з яе замяшчэннем на экалагічна бяспечную", - расказала Вольга Сазонава.


Гаворачы аб выніках работы па выкананні гэтага плана ў 2022 годзе, яна падкрэсліла, што за гэты перыяд рэалізавана праграма распрацоўкі дзяржаўных стандартаў па ўстанаўленні патрабаванняў да экалагічна бяспечнай, у тым ліку біяраскладальнай, упакоўкі і метадаў яе выпрабавання.


"Гэтыя стандарты распрацоўваліся на аснове міжнародных і еўрапейскіх. У выніку зацверджаны 41 дзяржстандарт. Акрамя таго, плануецца распрацаваць яшчэ сем міждзяржаўных стандартаў. У выніку іх прымянення на добраахвотнай аснове будзе забяспечвацца выкананне патрабаванняў тэхнічнага рэгламенту Мытнага саюза "Аб бяспецы ўпакоўкі", - рэзюмавала Вольга Сазонава.-0-


БЕЛТА - Навiны Беларусi

Вы можаце знайсці гэту старонку па наступным адрасе:
https://www.minpriroda.gov.by/by/news-by/view/bolsh-za-40-dzjarzhstandartau-dlja-ekalagichna-bjaspechnyx-upakovak-raspratsavali-u-2022-godze-u-belarusi-4699/
© Міністэрства прыродных рэсурсаў і аховы навакольнага асяроддзя Рэспублікі Беларусь, 2024
Распрацоўка і падтрымка сайта БЕЛТА