Беларускія дыпламаты ў Пекіне пасадзілі дрэвы ў час экаакцыі "Лес дружбы сям'і ШАС"
Навіны
22.04.2025 | 14:48
Фота Пасольства Рэспублікі Беларусь у Кітайскай Народнай Рэспубліцы
22 красавіка, Мінск /Кар. БЕЛТА/. Супрацоўнікі пасольства Беларусі ў Кітаі прынялі ўдзел у экалагічнай акцыі "Лес дружбы сям'і ШАС", якая прайшла ў Пекінскім парку дзікай прыроды. Аб
гэтым карэспандэнту БЕЛТА расказалі ў пасольстве Беларусі ў Кітайскай Народнай Рэспубліцы.
Мерапрыемства было арганізавана Камітэтам ШАС па добрасуседстве, дружбе і супрацоўніцтве сумесна з Сакратарыятам Шанхайскай арганізацыі супрацоўніцтва. Галоўнымі ўдзельнікамі акцыі, прымеркаванай да Года ўстойлівага развіцця ШАС-2025, сталі дзеці дыпламатаў. У час акцыі было высаджана 100 дрэў. Па выніках мерапрыемства ўдзельнікам былі ўручаны сертыфікаты, што пацвярджаюць іх уклад у азеляненне і развіццё экалагічнага супрацоўніцтва ў рамках ШАС.
Беларусь стала паўнапраўным членам Шанхайскай арганізацыі супрацоўніцтва 4 ліпеня 2024 года ў ходзе пасяджэння Савета кіраўнікоў дзяржаў - членаў ШАС у Астане. Асноўныя мэты ШАС - узаемадзеянне ва ўмацаванні міру, бяспекі і стабільнасці, садзейнічанне эканамічнаму росту, сацыяльнаму і культурнаму развіццю.-0-
© Міністэрства прыродных рэсурсаў і аховы навакольнага асяроддзя Рэспублікі Беларусь, 2025
Распрацоўка і падтрымка сайта
БЕЛТА