Беларускі энергетычны і экалагічны форум Energy Expo стартуе ў Мінску

17 кастрычніка, Мінск /Кар. БЕЛТА/. XXVII Беларускі энергетычны і экалагічны форум Energy Expo пройдзе з 17 па 20 кастрычніка ў Футбольным манежы ў Мінску. Гэта галоўная падзея года ў галіне энергетыкі, нафтахіміі і энергазберажэння, паведамілі БЕЛТА ў прэс-службе Міністэрства прыродных рэсурсаў і аховы навакольнага асяроддзя.

Выстаўка "Энергетыка. Экалогія. Энергазберажэнне. Электра", якая арганізуецца ў рамках форуму, праводзіцца з 1995 года, прыцягваючы ўвагу вядучых беларускіх і сусветных вытворцаў абсталявання, тэхналогій і матэрыялаў, і з'яўляецца адной з самых буйных па гэтай тэматыцы ў краінах СНД.

У мінулым годзе на выстаўцы прадукцыю прадставілі звыш 200 прадпрыемстваў і арганізацый, у тым ліку буйнейшыя вытворцы краіны і замежныя кампаніі, зацікаўленыя ў пашырэнні сваёй прадукцыі на беларускі рынак. Традыцыйна ў якасці экспанентаў у складзе калектыўнага стэнда ў мерапрыемстве прымуць удзел падпарадкаваныя арганізацыі Міністэрства прыродных рэсурсаў і аховы навакольнага асяроддзя.-0-

Вы можаце знайсці гэту старонку па наступным адрасе:
https://www.minpriroda.gov.by/by/news-by/view/belaruski-energetychny-i-ekalagichny-forum-energy-expo-startue-u-minsku-5293/