Унікальнасць: Знаходзіцца на мяжы басейнаў рэк Буга і Прыпяці. Пераважаюць тарфяныя глебы. Каля 74% тэрыторыі займаюць нізінныя балоты, 7,4% – лясы.
Заказніку прысвоены статусы водна-балотнага ўгоддзя міжнароднага значэння (Рамсарскай тэрыторыі) і ключавой арніталагічнай тэрыторыі. Месца пражывання відаў птушак, якія знаходзяцца пад пагрозай глабальнага знікнення: вяртлявай чаротаўкі (на тэрыторыі заказніка пражывае адна з самых буйных папуляцый у Еўропе), вялікага арляца і драча. На тэрыторыі балота пражывае адна з найбуйнейшых папуляцый чорнага бусла.
Паслугі ў галіне экатурызму: Пражыванне ў гасцініцы эколага-асветніцкага цэнтра (умяшчальнасць 7 чал.), пракат веласіпедаў, вёславых і маторных лодак, выратавальных камізэлек, палатак, спальных мяшкоў, арганізацыя рыбалкі, экскурсіі па заказніку.
Экалагічныя маршруты: экалагічныя сцежкі «Тайны свету раслін» (2 км) і «Скарбы балота Званец» (2 км).
