29 лістапада, Мінск /Кар. БЕЛТА/. Міністр прыродных рэсурсаў і аховы навакольнага асяроддзя Андрэй Худык правёў сустрэчу з прадстаўнікамі Дзяржаўнай карпарацыі па атамнай энергіі "Расатам", паведамілі БЕЛТА ў прэс-службе Мінпрыроды.
У ходзе перагавораў бакі абмеркавалі пытанні па рэалізацыі праекта міжнароднай тэхнічнай дапамогі ЮНІДА/ГЭФ "Узгодненае кіраванне ўтылізацыяй азонаразбуральных рэчываў (АРР) і стойкіх арганічных забруджвальнікаў (САЗ) у Беларусі, Украіне, Казахстане і Арменіі (рэгіянальны дэманстрацыйны праект)", у тым ліку праблемныя моманты, якія ўзніклі ў рамках выканання работ па стварэнні аб'екта абясшкоджвання небяспечных адходаў на базе КУП "Комплекс па перапрацоўцы і пахаванні таксічных прамысловых адходаў Гомельскай вобласці".
Па выніках сустрэчы ўдзельнікамі была адзначана неабходнасць стварэння сумеснай рабочай групы для вызначэння праектаў, накіраваных на развіццё супрацоўніцтва ў рамках Мемарандума аб узаемаразуменні паміж Дзяржаўнай карпарацыяй па атамнай энергіі "Расатам" (Расійская Федэрацыя) і Міністэрствам прыродных рэсурсаў і аховы навакольнага асяроддзя Беларусі.-0-
